كتير
مبعرفش إني في الحقيقه فاهمه
وباخد فوق دماغي و برضه بفضل ساكته
و أهي قاعده !!
كتير
ناس باعوني برخص الملاليم و النِكله
و راحوا إشتروا رُخص غيري بكل بجاحه
جاتكوا واكسه !!
كتير
إتشال و إتحط عليا
و ضهري حَمّل و عَبّا لحد ما عَمل أُتبه
و أقول يارب راضيه !!
و كتير
قلبي م الحقيقه إتكوم و كرمش
مبقاش حاسس من كتر ما قابل و إتشوش
أه يا زمن الحَمَل فيكي بيتفرم و بالمداس بيتداس و ينهرس !! #just_سطور
