بيت وشارع

حيطه سد ف نهايه شارع ..

ورق شجر علي جمب واقع ..

و عربيات راكنه بعجل نايم ..

محلات و بيوت لونهم باهت ..

و ناس ماشيه وشوشهم كالحه ..

و الشمس بَخَلِت عليهم بضوئها ..

خايفه أقرب ولو خطوه ..

مع إني هاموت من جوايا و أرجع ..

لنفس الشارع و نفس البيت ..

خفت أشوفها فسألت نفسي ..

هاحس بإيه و هيجري إيه ..

قلبي هيحن لعشره سنين ..

و يصفي من كركبه ..

شويه أيام دايبين ..

و قصاقيص ورق ..

في جيبي كانوا متبقيين ..

و حصل اللي حصل ..

و شوفتها لا قلبي دق ولا حن ..

ولاقيته بقي حتة تلج ..

لا بيسيح ولا عايز يتكسر ..

هي مابقتش هي ..

و البيت و الشارع ملامحهم تاهوا ..

دول حتي مبقوش يتحسوا ولا يتشافوا ..

يا خساره ده صح علي رأي اللي قالوا ..

إن فعلا اللي فاتوا ماتوا .. #just_سطور